സ്കൂള്‍ ഉച്ച ഭക്ഷണ പദ്ധതി
ആഹാരത്തിലെ അപാകത കാരണം അസ്വാസ്ഥ്യം അനുഭവപ്പെട്ടാല്‍ റിപ്പോര്‍ട്ട്‌ ചെയ്യാനുള്ള മാര്‍ഗനിര്‍ദേശങ്ങള്‍
സ്കൂള്‍ ഉച്ച ഭക്ഷണ പദ്ധതിയലെ ഉപഭോക്താക്കളായ വിദ്യാര്‍ത്ഥികള്‍ക്ക് സ്കൂളില്‍നിന്നുള്ള ഭക്ഷണ വിതരണത്തെത്തുടര്‍ന്ന് ദേഹാസ്വാസ്ഥ്യം അനുഭവപ്പെട്ടാല്‍ ആയത് മേലധികാരികള്‍ക്ക് റിപ്പോര്‍ട്ട്‌ ചെയ്യന്നത് സംബന്ധിച്ച് DPI മാര്‍ഗനിര്‍ദേശം പുറപ്പെടുവിച്ചു.
- വിദ്യാര്‍ത്ഥികള്‍ക്ക് സ്കൂളില്‍നിന്നുള്ള ഭക്ഷണ വിതരണത്തെത്തുടര്‍ന്ന് ദേഹാസ്വാസ്ഥ്യം അനുഭവപ്പെട്ടാല്‍ ആ ദിവസം തന്നെ സ്കൂളിന്‍റെ വിശദാംശങ്ങള്‍, എത്ര കുട്ടികള്‍ ഉച്ചഭക്ഷണം കഴിച്ചു, എത്ര കുട്ടികള്‍ക്ക് അസ്വാസ്ഥ്യം അനുഭവപ്പെട്ടു, രോഗലക്ഷണങ്ങള്‍ എന്തൊക്കെ, കുട്ടികള്‍ക്ക് അനുഭവപ്പെടുന്ന പ്രശ്നങ്ങള്‍ എന്തൊക്കെ, അവര്‍ക്ക് നല്‍കിയ ചികിത്സയുടെ വിശദാംശങ്ങള്‍, ഭക്ഷണം രുചിച്ചുനോക്കിയ അദ്ധ്യാപകരുടെയും PTA അംഗങ്ങളുടെയും SMC അംഗങ്ങളുടെയും പേര് എന്നിവ DPI ക്ക് ഇമെയില്‍ / ഫാക്സ് സന്ദേശം ആയി അയക്കണം.
- ആ ദിവസം തന്നെ ഭക്ഷണ പദാര്‍ത്ഥം അംഗീകൃത ലാബില്‍ പരിശോധനക്കായി നല്‍കണം. പരിശോധനാ റിപ്പോര്‍ട്ട്‌ 10 ദിവസത്തിനകം DDE ഓഫീസില്‍ എത്തിക്കുവാനുള്ള നിര്‍ദേശം ലാബ്‌ അധികൃതര്‍ക്ക് നല്‍കണം.
- ലാബ്‌ റിപ്പോര്‍ട്ട്‌ ലഭിച്ചതിനുശേഷം അന്തിമ റിപ്പോര്‍ട്ട്‌ അനുബന്ധമായി ചേര്‍ത്ത പ്രൊഫോമയില്‍ 30 ദിവസത്തിനകം DPI ക്ക് ഇമെയില്‍ / ഫാക്സ് സന്ദേശം ആയി അയക്കണം.
No comments:
Post a Comment