കുട്ടികള്‍ക്കായുള്ള ദേശീയ, സംസ്ഥാന ധീരതാ അവാര്‍ഡിന് അപേക്ഷ ക്ഷണിച്ചു |
കുട്ടികള്‍ക്കായുള്ള 2016-ലെ ദേശീയ ധീരതാ പ്രവര്‍ത്തനത്തിന് ഇന്‍ഡ്യന്‍ കൗണ്‍സില്‍ ഫോര്‍ ചൈല്‍ഡ് വെല്‍ഫയര്‍ നല്‍കുന്ന രാഷ്ട്രപതിയുടെ അവാര്‍ഡിനും സംസ്ഥാന ശിശുക്ഷേമ സമിതി നല്‍കുന്ന അവാര്‍ഡുകള്‍ക്കുമായി അപേക്ഷ ക്ഷണിച്ചു. അപേക്ഷകള്‍ നിര്‍ദിഷ്ട ഫോറത്തില്‍ സംസ്ഥാന ശിശു ക്ഷേമ സമിതി മുഖേനയാണ് അപേക്ഷിക്കേണ്ടത്. സംഭവം നടക്കുമ്പോള്‍ ആറിനും പതിനെട്ട് വയസിനുമിടയ്ക്കുള്ള അര്‍ഹരായ കുട്ടികള്‍ക്ക് അപേക്ഷിക്കാം. സാമൂഹ്യ തിന്മകള്‍, മറ്റ് കുറ്റകത്യങ്ങള്‍ ഇവക്കെതിരായും അപ്രതീക്ഷിത അപകടസന്ധിയില്‍ നിന്നും സ്വന്തം ജീവന് അപകടവും ഗുരുതരവുമായ പരിക്കുകള്‍ പറ്റുമെന്നതൊന്നും കണക്കിലെടുക്കാതെ തന്നെ മറ്റുള്ളവരുടെ ജീവന് രക്ഷിക്കാന്‍ അവസരോചിതമായി നടത്തിയ ധീരതയും സാഹസികതയും വ്യക്തമാകുന്ന പ്രവര്‍ത്തനങ്ങള്‍ക്ക് ആസ്പദമായ സംഭവം നടന്നത് 2014 ജൂലൈ ഒന്നിനും 2015 ജൂണ്‍ 31-നും ഇടക്കായിരിക്കണം. ഭാരത് അവാര്‍ഡ്, ഗീതാ ചോപ്രാ അവാര്‍ഡ്, സഞ്ജയ് ചോപ്രാ അവാര്‍ഡ്, ബാപ്പു ഗയധാനി അവാര്‍ഡ് (3 എണ്ണം) ജനറല്‍ അവാര്‍ഡ് എന്നിവയാണ് ദേശീയ ബഹുമതികള്‍. മെഡലും ക്യാഷ് അവാര്‍ഡും സര്‍ട്ടിഫിക്കറ്റും അടങ്ങുന്ന അവാര്‍ഡിന് പുറമേ അര്‍ഹത നേടുന്ന കുട്ടികളുടെ വിദ്യാഭ്യാസത്തിനുള്ള സാമ്പത്തിക ചെലവും ഇന്‍ഡ്യന്‍ കൗണ്‍സില്‍ ഫോര്‍ ചൈല്‍ഡ് വെല്‍ഫയര്‍ വഹിക്കും. അവാര്‍ഡിനര്‍ഹരായ കുട്ടികളെ ശിശുദിനത്തില്‍ പ്രഖ്യാപിക്കും. അപേക്ഷകരെ ശിശുക്ഷേമ സമിതി നല്‍കുന്ന സംസ്ഥാന അവാര്‍ഡിനും പരിഗണിക്കും. ദേശീയ അവാര്‍ഡിനായി കേരളത്തില്‍ നിന്നുമുള്ള അപേക്ഷകര്‍ ശിശുക്ഷേമ സമിതി മുഖേനയാണ് അപേക്ഷിക്കേണ്ടത്. സാമൂഹ്യ ക്ഷേമ വകുപ്പ്, വനിതാ-ശിശു വികസന വകുപ്പ്, വിദ്യാഭ്യാസ വകുപ്പ്, പോലീസ് എന്നീ ഗവണ്‍മെന്റ് വകുപ്പുകള്‍ക്കും കുട്ടികളുടെ പേര് ശുപാര്‍ശ ചെയ്യാം. തിരുവനന്തപുരത്ത് തൈക്കാട്ടുള്ള ശിശുക്ഷേമ സമിതിയുടെ ഓഫീസില്‍ നിന്നും നേരിട്ടോ തപാല്‍ മുഖേനയോ അപേക്ഷ വാങ്ങാം. തപാല്‍ മുഖേന ആവശ്യമുള്ളവര്‍ സ്വന്തം മേല്‍വിലാസമെഴുതിയ പത്ത് രൂപയുടെ തപാല്‍ സ്റ്റാമ്പ് ഒട്ടിച്ച കവര്‍ സഹിതം അഡ്മിനിസ്‌ട്രേറ്റര്‍, കേരള സംസ്ഥാന ശിശുക്ഷേമ സമിതി, തൈക്കാട് പി. ഒ, തിരുവനന്തപുരം- 695 014 വിലാസത്തില്‍ അപേക്ഷിക്കണം. അപേക്ഷാ ഫോറം ആഗസ്റ്റ് 31 വരെ വിതരണം ചെയ്യും. പൂരിപ്പിച്ച അപേക്ഷ അവാര്‍ഡിനര്‍ഹമായ പ്രവര്‍ത്തി, അവയുടെ പത്രവാര്‍ത്തകള്‍ ഇവ ഹിന്ദിയിലോ ഇംഗ്ലീഷിലോ തയ്യാറാക്കി മറ്റു ബന്ധപ്പെട്ട രേഖകളോടൊപ്പം ( 3 പകര്‍പ്പും, 3 ഫോട്ടോയും) അഡ്മിനിസ്‌ട്രേറ്റര്‍, കേരള സംസ്ഥാന ശിശു ക്ഷേമ സമിതി, തൈക്കാട് പി. ഒ, തിരുവനന്തപുരം- 695014 വിലാസത്തില്‍ ആഗസ്റ്റ് 31 ന് വൈകുന്നേരം അഞ്ചു മണിക്ക് മുമ്പായി ലഭിക്കണം. അപേക്ഷ അയക്കുന്ന കവറിന് പുറത്ത് (National / State Bravery Award for children 2015) എന്ന് രേഖപ്പെടുത്തിയിരിക്കണം.
|
സ്‌നേഹപൂര്‍വ്വം : ധനസഹായത്തിന് അപേക്ഷ ക്ഷണിച്ചു |
അമ്മയോ അച്ഛനോ അല്ലെങ്കില്‍ രണ്ടുപേരുമോ മരണപ്പെട്ടുപോയ നിര്‍ധനരായ കുടുംബങ്ങളിലെ സര്‍ക്കാര്‍ / എയ്ഡഡ് വിദ്യാഭ്യാസ സ്ഥാപനങ്ങളില്‍ ബിരുദം/പ്രൊഫഷണല്‍ ബിരുദം വരെ പഠിക്കുന്ന വിദ്യാര്‍ത്ഥികള്‍ക്കുള്ള പ്രതിമാസ ധനസഹായ പദ്ധതിയായ സ്‌നേഹപൂര്‍വ ത്തിന്റെ ഈ അദ്ധ്യയന വര്‍ഷത്തെ അപേക്ഷ ഓണ്‍ലൈനായി കുട്ടി പഠിക്കുന്ന സ്ഥാപനത്തിന്റെ മേധാവി മുഖേന ആഗസ്റ്റ് ഒന്നു മുതല്‍ സമര്‍പ്പിക്കാം. നിലവിലുള്ള ഗുണഭോക്താക്കളും പുതിയ അപേക്ഷകരും അവര്‍ പഠിക്കുന്ന വിദ്യാഭ്യാസ സ്ഥാപനത്തിന്റെ മേധാവി മുഖേന അപേക്ഷകള്‍ ഓണ്‍ലൈനായി അപ് ലോഡ് ചെയ്യണം. നേരിട്ടയക്കുന്ന അപേക്ഷകള്‍ പരിഗണിക്കുന്നതല്ല. ഒക്ടോബര്‍ 31 വരെ അപേക്ഷ സമര്‍പ്പിക്കാം. വെബ്സൈറ്റ് www.socialsecuritymission.gov.in. ഹെല്‍പ്പ്‌ലൈന്‍ - 8589062526.
|
ജി.പി.എഫ് വാര്‍ഷിക സ്റ്റേറ്റ്‌മെന്റ് പ്രസിദ്ധീകരിച്ചു |
കേരള സര്‍ക്കാര്‍ ജീവനക്കാരുടെയും ഓള്‍ ഇന്ത്യാ സര്‍വീസ് ഓഫീസര്‍മാരുടെയും 2015-16 വര്‍ഷത്തേക്കുളള ജനറല്‍ പ്രോവിഡന്റ് ഫണ്ട് വാര്‍ഷിക കണക്ക് സ്റ്റേറ്റ്‌മെന്റ് www.agker.cag.gov.in വെബ്‌സൈറ്റില്‍ പ്രസിദ്ധീകരിച്ചു. വരിക്കാര്‍ക്ക് അവരവരുടെ പിന്‍ നമ്പര്‍ ഉപയോഗിച്ച് ് വാര്‍ഷിക കണക്ക് സ്റ്റേറ്റ്‌മെന്റ് എടുക്കാം. വിശദവിവരങ്ങള്‍ക്ക് ഫോണ്‍ 0471 -2776600.
|
ആശയരൂപീകരണ ശില്പശാല |
പൊതുവിദ്യാഭ്യാസ വകുപ്പിന്റെ ആഭിമുഖ്യത്തില്‍ വിദ്യാലയങ്ങള്‍ - മികവിന്റെ കേന്ദ്രങ്ങള്‍ എന്ന വിഷയത്തില്‍ ആശയരൂപീകരണ ശില്പശാല ആഗസ്റ്റ് ഒന്ന്, രണ്ട് തീയതികളില്‍ കോഴിക്കോട് നടക്കാവ് ഗവണ്‍മെന്റ് ഗേള്‍സ് വൊക്കേഷണല്‍ ഹയര്‍ സെക്കന്ററി സ്‌കൂളില്‍ സംഘടിപ്പിക്കും. ആഗസ്റ്റ് ഒന്നിന് രാവിലെ 10 മണിക്ക് ധനകാര്യ വകുപ്പ് മന്ത്രി ഡോ. റ്റി. എം. തോമസ് ഐസക്ക് ശില്പശാല ഉദ്ഘാടനം ചെയ്യും. വിദ്യാഭ്യാസ വകുപ്പ് മന്ത്രി പ്രൊഫ. സി. രവീന്ദ്രനാഥ് അദ്ധ്യക്ഷനായിരിക്കും. ആഗസ്റ്റ് രണ്ടിന് വൈകുന്നേരം നാലു മണിക്ക് വിദ്യാഭ്യാസ വകുപ്പ് മന്ത്രി പ്രാഫ. സി. രവീന്ദ്രനാഥ് ഉപസംഹാരം നിര്‍വഹിക്കും.
|
ഭവന വായ്പ : അപേക്ഷാ തീയതി നീട്ടി |
|
സര്‍ക്കാര്‍ ജീവനക്കാര്‍ക്കും അദ്ധ്യാപകര്‍ക്കും 2016-17 വര്‍ഷത്തെ ഭവന
നിര്‍മ്മാണ വായ്പയ്ക്ക് അതത് ഓഫീസുകളില്‍ അപേക്ഷിക്കാനുള്ള അവസാന തീയതി ഈ
മാസം 30 വരെ നീട്ടി. അപേക്ഷകള്‍ വകുപ്പ് തലവന്‍മാര്‍ക്ക് ആഗസ്റ്റ്
അഞ്ചുവരെ നല്‍കാം. വകുപ്പ് തലവന്‍മാര്‍ ആഗസ്റ്റ് 10 നു മുമ്പ് അര്‍ഹതാ
പട്ടിക ധനകാര്യ വകുപ്പിന് കൈമാറണം.
|
ദേശീയ അധ്യാപക ക്ഷേമ ഫൗണ്ടേഷന്‍ പ്രൊഫഷണല്‍ സ്‌കോളര്‍ഷിപ്പ് |
|
പ്രൊഫഷണല്‍ ബിരുദ/ഡിപ്ലോമ കോഴ്‌സുകള്‍ക്കും, ബിരുദാനന്തര ബിരുദ
കോഴ്‌സുകള്‍ക്കും പഠിക്കുന്ന സ്കൂള് അധ്യാപകരുടെ കുട്ടികള്‍ക്കുള്ള
2013-14 അധ്യയന വര്‍ഷത്തേക്കുള്ള സാമ്പത്തിക സഹായത്തിന് ദേശീയ അധ്യാപക
ക്ഷേമ ഫൗണ്ടേഷന്‍ അപേക്ഷ ക്ഷണിച്ചു.
അപേക്ഷാഫാറവും വിശദവിവരങ്ങളും എല്ലാ വിദ്യാഭ്യാസ ഓഫീസുകളിലും ലഭ്യമാണ്.
പൂരിപ്പിച്ച അപേക്ഷ അനുബന്ധ രേഖകള്‍ സഹിതം ആഗസ്റ്റ് 20 ന് മുമ്പ്
പൊതുവിദ്യാഭ്യാസ ഡയറക്ടറുടെ ആഫീസില്‍ ലഭിച്ചിരിക്കണം. അപേക്ഷയുടെ പുറത്ത്
ദേശീയ അധ്യാപക ക്ഷേമ ഫൗണ്ടേഷന്‍ പ്രൊഫഷണല്‍ സ്‌കോളര്‍ഷിപ്പ് എന്ന്
വ്യക്തമായി എഴുതിയിരിക്കണം. അപേക്ഷാഫോറം തപാലില്‍ ലഭിക്കുന്നതല്ല.
|
പ്രീമെട്രിക് സ്‌കോളര്‍ഷിപ്പിന് അപേക്ഷിക്കാം |
ന്യൂനപക്ഷ വിഭാഗത്തില്‍പ്പെട്ട കുട്ടികളുടെ 2016-17 വര്‍ഷത്തെ പ്രീ-മെട്രിക് സ്‌കോളര്‍ഷിപ്പിന് അപേക്ഷകള്‍ ക്ഷണിച്ചു. സ്‌കോളര്‍ഷിപ്പിനായുള്ള അപേക്ഷകള്‍ www.scholarships.gov.in എന്ന വെബ്‌സൈറ്റില്‍ National Scholarship Portal (NSP) വഴി ഓണ്‍ലൈന്‍ ആയി ഈ മാസം 31 ന് വൈകുന്നേരം അഞ്ചു മണിക്ക് മുന്‍പ് സമര്‍പ്പിക്കണം. ഓഫ്‌ലൈന്‍ അപേക്ഷകള്‍ സ്വീകരിക്കില്ല. അപൂര്‍ണ്ണവും അവ്യക്തവും തെറ്റായ വിവരങ്ങള്‍ രേഖപ്പെടുത്തിയിട്ടുള്ളതുമായ അപേക്ഷകള്‍ നിരസിക്കും. ഓണ്‍ലൈന്‍ അപേക്ഷ സമര്‍പ്പിക്കുന്ന കുട്ടികള്‍ക്ക് ഏതെങ്കിലും ദേശസാല്‍കൃത ബാങ്കില്‍ സീറോ ബാലന്‍സ് അക്കൗണ്ട് ഉണ്ടായിരിക്കേണ്ടതും ആധാര്‍ നമ്പര്‍ ബാങ്ക് അക്കൗണ്ടുമായി ലിങ്ക് ചെയ്യപ്പെടേണ്ടതുമാണ്. കൂടുതല്‍ വിവരങ്ങള്‍ക്ക് www.scholarship.itschool.gov.in സന്ദര്‍ശിക്കാം.
|
മത്സ്യത്തൊഴിലാളി കുട്ടികളുടെ വിദ്യാഭ്യാസാനുകൂല്യം
സംസ്ഥാന തല പ്രതിഭാ നിര്‍ണ്ണയ പരീക്ഷ |
ദേശീയ പ്രതിഭാ നിര്‍ണ്ണയ പരീക്ഷയുടെ ഭാഗമായി കേരളത്തിലെ ഗവണ്‍മെന്റ് / എയ്ഡഡ് / അംഗീകൃത സ്കൂളുകളില് ഈ വര്ഷം പത്താം ക്ലാസില്‍ പഠിക്കുന്ന വിദ്യാര്‍ത്ഥികള്‍ക്കായി എസ്. സി. ഇ. ആര്‍. ടി സംസ്ഥാനതല പ്രതിഭാ നിര്‍ണ്ണയ പരീക്ഷ നടത്തുന്നു. നവംബര്‍ ആറാം തീയതി സംസ്ഥാനത്തെ വിവിധ കേന്ദ്രങ്ങളിലാണ് പരീക്ഷ. 2015-16 അദ്ധ്യയന വര്ഷം ഒമ്പതാം ക്ലാസില്‍ വര്‍ഷാവസാന പരീക്ഷയില്‍ 55ശതമാനം മാര്‍ക്ക് നേടിയിട്ടുള്ള വിദ്യാര്‍ത്ഥികള്‍ക്ക് അപേക്ഷിക്കാം. വിശദാംശം www.scert.kerala.gov.in -ല്‍
|
എസ്.സി വിഭാഗക്കാര്‍ക്ക് എന്‍ട്രന്‍സ് പരിശീലനത്തിന് സഹായം |
മെഡിക്കല്‍/എഞ്ചിനീയറിങ് എന്‍ട്രന്‍സ് പരിശീലനത്തിന് പട്ടികജാതി വിഭാഗത്തില്‍പ്പെട്ട വിദ്യാര്‍ത്ഥികള്‍ക്ക് പട്ടികജാതി വികസന വകുപ്പ് ധനസഹായം നല്‍കുന്നു. എസ്.എസ്.എല്‍.സി പരീക്ഷയില്‍ ബി പ്ലസില്‍ കുറയാത്ത മാര്‍ക്ക് വാങ്ങി പ്ലസ് വണ്ണിന് സയന്‍സ് ഗ്രൂപ്പെടുത്ത് പഠിക്കുന്ന വാര്‍ഷിക കുടുംബ വരുമാനം നാലര ലക്ഷം രൂപയില്‍ കവിയാത്തവര്‍ക്ക് അപേക്ഷിക്കാം. പട്ടികജാതി വികസന ഓഫീസറും കളക്ടറും അടങ്ങുന്ന സമിതി തെരഞ്ഞെടുക്കുന്ന സ്ഥാപനങ്ങളില്‍ എന്‍ട്രന്‍സ് കോച്ചിംഗിന് പഠിക്കുന്നവരായിരിക്കണം. രണ്ട് വര്‍ഷത്തേക്ക് ഇരുപതിനായിരം രൂപ വരെയാണ് ധനസഹായം. താത്പര്യമുള്ളവര്‍ രേഖകള്‍ സഹിതം അതത് ജില്ലാ പട്ടികജാതി വികസന ഓഫീസുകളില്‍ ജൂലൈ 31 ന് മുമ്പ് അപേക്ഷ സമര്‍പ്പിക്കണം
|
എസ്.സി വിദ്യാര്‍ത്ഥികള്‍ക്ക് പ്രോത്സാഹന സമ്മാനം |
2016-17 അധ്യയന വര്ഷം എസ്.എസ്.എല്‍.സി, പ്ലസ് ടൂ/ഹയര്‍ സെക്കന്‍ഡറി/വൊക്കേഷണല്‍ ഹയര്‍ സെക്കന്‍ഡറി, ഡിഗ്രി, പി.ജി, പ്രൊഫഷണല്‍ കോഴ്‌സുകള്‍, ഡിപ്ലോമ, ടി.ടി.സി തുടങ്ങിയ കോഴ്‌സുകളുടെ പൊതുപരീക്ഷകളില്‍ അറുപത് ശതമാനത്തിന് മുകളില്‍ മാര്‍ക്ക് വാങ്ങി വിജയിക്കുന്ന പട്ടികജാതി വിഭാഗത്തില്‍പ്പെട്ട വിദ്യാര്‍ത്ഥികളില്‍ നിന്ന് പട്ടികജാതി വികസന വകുപ്പ് പ്രത്യേക പ്രോത്സാഹന സമ്മാനം നല്‍കുന്നതിന് അപേക്ഷ ക്ഷണിച്ചു. ജൂലൈ 31 നകമോ റിസള്‍ട്ട് പ്രഖ്യാപിച്ച് ഒരുമാസത്തിനകമോ അപേക്ഷ നല്‍കേണ്ടതാണ്. കൂടുതല്‍ വിവരങ്ങള്‍ ബ്ലോക്ക്/മുനിസിപ്പാലിറ്റി/കോര്‍പ്പറേഷന്‍' പട്ടികജാതി വികസന ഓഫീസുമായി ബന്ധപ്പെടുക.
|
നൈപുണ്യ പഠനം: കേരളത്തില്തത്സമയ സംപ്രേഷണം വിക്‌ടേഴ്‌സില്‍ |
സംസ്ഥാനത്തെ നൈപുണ്യ വികസനത്തെയും, നൈപുണ്യ പദ്ധതിയായ അഡീഷണല്‍ സ്‌കില്‍ അക്വിസിഷന്‍ പ്രോഗ്രാം (അസാപ്) നെയും കുറിച്ചുള്ള വിദ്യാര്‍ത്ഥികളുടെ സംശയങ്ങള്‍ക്ക് വിദ്യാഭ്യാസവകുപ്പ് മന്ത്രി പ്രൊഫ.സി.രവീന്ദ്രനാഥ് വിക്‌ടേഴ്‌സ് ചാനലിലൂടെ മറുപടി പറയുന്നു ജൂലൈ 19 വൈകുന്നേരം 3.30ന് 'നൈപുണ്യ പഠനം കേരളത്തില്‍' എന്നപരിപാടിയിലാണ് മന്ത്രിയുടെ മറുപടി . മന്ത്രിയോടൊപ്പം ഉന്നത വിദ്യാഭ്യാസ പ്രിന്‍സിപ്പല്‍ സെക്രട്ടറി ബി.ശ്രീനിവാസ്, പൊതുവിദ്യാഭ്യാസ സെക്രട്ടറി എ.പി.എം. മുഹമ്മദ് ഹനീഷ്, അസാപ് ചീഫ് എക്‌സിക്യൂട്ടീവ് ഓഫീസര്‍ ഡോ.റെജു.എം.റ്റി എന്നിവരും പങ്കെടുക്കും.
|
