ഡെപ്യൂട്ടേഷന്‍ നിയമനം |
സംസ്ഥാന വിദ്യാഭ്യാസ ഗവേഷണ പരിശീലന കേന്ദ്രത്തിലേക്ക് (എസ്. സി. ഇ. ആര്‍. ടി, കേരള) അസിസ്റ്റന്റ് പ്രൊഫസര്‍ / റിസര്‍ച്ച് ഓഫീസര്‍ തസ്തികകളിലേക്ക് ഡെപ്യൂട്ടേഷന്‍ വ്യവസ്ഥയില്‍ സര്‍ക്കാര്‍ സ്‌കുളുകള്‍, സര്‍ക്കാര്‍ അധ്യാപക പരിശീലന കേന്ദ്രങ്ങള്‍, സര്‍ക്കാര്‍ കോളേജുകള്‍, സര്‍ക്കാര്‍ ട്രയിനിംഗ് കോളേജുകള്‍, യൂണിവേഴ്‌സിറ്റികള്‍ എന്നിവയില്‍ ജോലി ചെയ്യുന്ന അധ്യാപകര്‍/ ലൈബ്രേറിയന്‍ എന്നിവരില്‍ നിന്നും അപേക്ഷ ക്ഷണിച്ചു. അപേക്ഷകള്‍ വകുപ്പ് മേലധികാരിയുടെ എന്‍. ഒ. സി സഹിതം സെപ്തംബര്‍ 10 ന് മുമ്പ് ഡയറക്ടര്‍, എസ്. സി. ഇ. ആര്‍. ടി, വിദ്യാഭവന്‍, പൂജപ്പുര, തിരുവനന്തപുരം-12 എന്ന വിലാസത്തില്‍ ലഭിക്കണം. വിശദവിവരങ്ങള്‍ www.scert.kerala.gov.in -ല്‍ ലഭിക്കും.
|
സ്‌കൂളുകള്‍ ഹൈടെക് ആക്കാന്‍ സ്ഥിതിവിവര കണക്ക് ശേഖരിക്കുന്നു |
സംസ്ഥാനത്തെ പൊതുവിദ്യാലയങ്ങള്‍ ഹൈടെക് ആക്കുന്നതിന് മുന്നോടിയായി സ്കൂളുകളില് നിലവിലുള്ള ഐ.സി.ടി അനുബന്ധ ഉപകരണങ്ങളുടെ സ്ഥിതിവിവര കണക്കു ശേഖരിക്കുന്നതിനുള്ള നിര്‍ദ്ദേശങ്ങള്‍ പുറപ്പെടുവിച്ചു. സര്‍ക്കാര്‍-എയിഡഡ് ഹൈസ്‌കൂള്‍, ഹയര്‍ സെക്കന്‍ഡറി, വൊക്കേഷണല്‍ ഹയര്‍ സെക്കന്‍ഡറി സ്കൂളുകളിലെ കംപ്യൂട്ടര്‍ അനുബന്ധ ഉപകരണങ്ങളുടെ വിശദാംശങ്ങളാണ് ആദ്യഘട്ടമായി ശേഖരിക്കുന്നത്. സ്കൂളുകളിലെ ഐ.സി.ടി പഠന പ്രവര്‍ത്തനങ്ങള്‍, ഉപകരണങ്ങള്‍ തുടങ്ങിയവയുടെ വിശദാംശങ്ങള്‍ ഓണ്‍ലൈനില്‍ അതത് സ്‌കൂളില്‍ നിന്നും നേരിട്ട് രേഖപ്പെടുത്താനുള്ള സൗകര്യമാണ് വിദ്യാഭ്യാസ വകുപ്പ് ഒരുക്കിയിരിക്കുന്നത്. ഐ.സി.ടി അധിഷ്ഠിത പഠന പ്രവര്‍ത്തനങ്ങളില്‍ അധ്യാപകരെയും വിദ്യാര്‍ത്ഥികളെയും സജ്ജരാക്കുന്നതിനും ആവശ്യമായ ഐ.സി.ടി ഉപകരണങ്ങള്‍ ലഭ്യമാക്കുന്നതിനുമാണ് അടിയന്തര സ്ഥിതിവിവര കണക്കെടുക്കുന്നത്. ഐ.ടി @ സ്കൂള് പൊജക്ട് വികസിപ്പിച്ച സോഫ്റ്റ്‌വെയറിലാണ് ഓരോ സ്‌കൂളും വിവരങ്ങള്‍ ഉള്‍പ്പെടുത്തേണ്ടത്. www.itschool.gov.in എന്ന വെബ്‌സൈറ്റിലെ സ്കൂള് സര്‍വെ ലിങ്കില്‍ ക്ലിക് ചെയ്യുമ്പോള്‍ ലഭിക്കുന്ന ഓണ്‍ലൈന്‍ ആപ്ലിക്കേഷനില്‍ സ്‌കൂളുകള്‍ക്ക് നല്‍കിയിട്ടുള്ള യൂസര്‍ നെയിമും പാസ്‌വേഡും ഉപയോഗിച്ച് ആഗസ്റ്റ് 31 ന് മുമ്പ് എല്ലാ സര്‍ക്കാര്‍ എയിഡഡ് സ്‌കൂളുകളും വിശദാംശങ്ങള്‍ ഉള്‍പ്പെടുത്തണമെന്ന് ഐ.ടി @ സ്കൂള് എക്‌സിക്യൂട്ടീവ് ഡയറക്ടര്‍ അറിയിച്ചു. ഇത് സംബന്ധിച്ച വിശദാംശങ്ങള്‍ക്ക് പ്രോജക്ടിന്റെ അതത് ജില്ലാ ഓഫീസുമായും ബന്ധപ്പെടാം.
|
വനിതകള്‍ ഗൃഹനാഥരായ കുടുംബത്തിലെ കുട്ടികള്‍ക്ക് ധനസഹായം |
വനിതകള്‍ ഗൃഹനാഥരായിട്ടുളള കുടുംബത്തിലെ കുട്ടികള്‍ക്ക് 2016-17 സാമ്പത്തിക വര്‍ഷം വിദ്യാഭ്യാസ ധനസഹായം നല്‍കുന്നതിന് അര്‍ഹരായ ഗുണഭോക്താക്കളില്‍ നിന്നും അപേക്ഷ ക്ഷണിച്ചു. അപേക്ഷ നിശ്ചിത മാതൃകയില്‍ ആവശ്യമായ രേഖകള്‍ സഹിതം സെപ്റ്റംബര്‍ 30 നകം അംഗന്‍വാടി വര്‍ക്കര്‍മാര്‍ മുഖേന ശിശുവികസന പദ്ധതി ഓഫീസറുടെ കാര്യാലയത്തില്‍ സമര്‍പ്പിക്കണം. കൂടുതല്‍ വിശദാംശങ്ങള്‍ www.sjd.kerala.gov.in എന്ന വെബ്‌സൈറ്റിലും ജില്ലാ സാമൂഹ്യനീതി ഓഫീസുകളിലും സംയോജിത ശിശുവികസന പദ്ധതി ആഫീസിലും ലഭിക്കും.
|
ഒ.ബി.സി വിഭാഗത്തിന് വിദേശ പഠനത്തിന് സ്കോളര്ഷിപ്പ് | |
ഒ.ബി.സി വിഭാഗത്തില്‍പ്പെട്ട ഉന്നത പഠന നിലവാരം പുലര്‍ത്തുന്ന വിദ്യാര്‍ത്ഥികള്‍ക്ക് വിദേശ സര്‍വ്വകലാശാലകളില്‍ മെഡിക്കല്‍/എഞ്ചിനീയറിംഗ്/പ്യുവര്‍ സയന്‍സ്/അഗ്രികള്‍ച്ചര്‍/മാനേജ്‌മെന്റ് കോഴ്‌സുകളില്‍ ഉപരി പഠനത്തിന് പിന്നോക്ക സമുദായ വികസന വകുപ്പ് ഓവര്‍സീസ് സ്‌കോളര്‍ഷിപ്പിന് അപേക്ഷ ക്ഷണിച്ചു. കുടുംബ വാര്‍ഷിക വരുമാനം ആറ് ലക്ഷം രൂപയില്‍ അധികരിക്കരുത്. അപേക്ഷാഫോറത്തിന്റെ മാതൃകയും, യോഗ്യതാ മാനദണ്ഡങ്ങളും വിശദവിവരങ്ങള്‍ ഉള്‍പ്പെടുന്ന വിജ്ഞാപനവും www.bcdd.kerala.gov.in എന്ന വെബ്‌സൈറ്റില്‍ ലഭ്യമാണ്. പൂരിപ്പിച്ച അപേക്ഷയും അനുബന്ധ രേഖകളും ആഗസ്റ്റ് 27 നകം ഡയറക്ടര്‍, പിന്നാക്ക സമുദായ വികസന വകുപ്പ്, അയ്യന്‍കാളി ഭവന്‍ നാലാം നില, കനകനഗര്‍, വെളളയമ്പലം, തിരുവനന്തപുരം -3 വിലാസത്തില്‍ അയ്ക്കണം.
|
കോഴ്‌സ് തുല്യത: ഉത്തരവ് റദ്ദാക്കി | |
പരീക്ഷാകമ്മീഷന്‍ നടത്തുന്ന എല്‍.റ്റി.റ്റി/ഡി.എല്‍.ഇ.ഡി (അറബി, ഉറുദു, ഹിന്ദി) കോഴ്‌സുകള്‍ കേരളത്തിലെ സര്‍വകലാശാലകള്‍ നടത്തുന്ന ബി.എഡ് (അറബി, ഉറുദു, ഹിന്ദി) കോഴ്‌സിന് തുല്യമായി പുറപ്പെടുവിച്ച് ഉത്തരവ് റദ്ദാക്കി പൊതുവിദ്യാഭ്യാസവകുപ്പ് ഉത്തരവായി. ഉത്തരവ് സ.ഉ(എം.എസ്)നം.130/2016/പൊ.വി.വ തീയതി 01.08.2016
|
|
Category A
|
Category B
|
|
Save a Watt to Save a Lot
|
Energy Conservation, A smart step towards Smart Cities |
| Get Energy Saver, Become Development Partner |
Reduce Carbon Footprint
|
| Be aware, Use Energy with Care | Save the Polar, Go Solar |
കേരള ടീച്ചര്‍ എലിജിബിലിറ്റി ടെസ്റ്റിന് (K-TET) സെപ്റ്റംബര്‍ ഒന്‍പത് വരെ അപേക്ഷിക്കാം | |
കെ-ടെറ്റ് 2016 ല്‍ പങ്കെടുക്കുന്നതിനുളള ഓണ്‍ലൈന്‍ അപേക്ഷയും, ഫീസും www.keralapareekshabhavan.in എന്ന വെബ്‌സൈറ്റിലൂടെ സെപ്റ്റംബര്‍ 9 വരെ സമര്‍പ്പിക്കാം. ഒന്നിലധികം കാറ്റഗറികള്‍ക്ക് അപേക്ഷിക്കുന്നവര്‍ ഓരോ കാറ്റഗറിക്കും 500 രൂപാ വീതവും എസ്.സി/എസ്.ടി വിഭാഗത്തിലുളളവര്‍ 250 രൂപ വീതവും അടയ്ക്കണം. ഓണ്‍ലൈന്‍ നെറ്റ്ബാങ്കിംഗ്, ക്രെഡിറ്റ്/ഡെബിറ്റ് കാര്‍ഡ് മുഖേനയും, കമ്പ്യൂട്ടര്‍ ജനറേറ്റഡ് ചെലാന്‍ മുഖേനയും എസ്.ബി.റ്റി യുടെ എല്ലാ ബ്രാഞ്ചിലും ഫീസ് അടയ്ക്കാം. അഡ്മിറ്റ് കാര്‍ഡ് ഒക്ടോബര്‍ 20 മുതല്‍ ഡൗണ്‍ലോഡ് ചെയ്യാം. പ്രോസ്‌പെക്ടസും, ഓണ്‍ലൈന്‍ രജിസ്‌ട്രേഷന്‍ നടത്തുന്നതിനുളള സ്‌ക്രീന്‍ ഷോട്ട് സഹിതമുളള മാര്‍ഗനിര്‍ദ്ദേശങ്ങളും www.keralapareekshabhavan.in ലഭ്യമാണ്. ഒന്നോ അതിലധികമോ കാറ്റഗറികളില്‍ ഒരുമിച്ച് ഒരു പ്രാവശ്യം മാത്രമേ അപേക്ഷിക്കാന്‍ കഴിയൂ.
|
സ്കൂളുകളില് 23-8-2016 ന് പ്രത്യേക അസംബ്‌ളി ചേര്‍ന്ന് ദേശീയഗാനം ആലപിക്കണം |
സ്വാതന്ത്ര്യ ലബ്ധിയുടെ 70-ാം വാര്‍ഷികാഘോഷത്തിന്റെ ഭാഗമായ പക്ഷാചരണത്തിന്റെ സമാപന ദിവസമായ 23-8-2016 ചൊവ്വാഴ്ച രാവിലെ 11 ന് സംസ്ഥാനത്തെ എല്ലാ വിദ്യാലയങ്ങളിലും പ്രത്യേക അസംബ്‌ളി ചേര്‍ന്ന് ദേശീയഗാനം ആലപിക്കണമെന്ന് പൊതുവിദ്യാഭ്യാസ ഡയറക്ടര്‍ അറിയിച്ചു.
|
ക്ലാസ് / വിഷയം
|
പരിശീലന കേന്ദ്രം
|
പങ്കെടുക്കുന്ന പഞ്ചായത്ത്
|
Class I to IV
|
Varam UPS
|
എല്ലാ പഞ്ചായത്തും
|
LP / UP Arabic, UP Maths
|
Kannur North BRC
|
എല്ലാ പഞ്ചായത്തും
|
UP English, Social Science, Malayalam, Hindi, Urdu, Basic Science
|
GHSS Chala
|
എല്ലാ പഞ്ചായത്തും
|
UP Sanskrit
|
Kannur South BRC (Peralassery GHSS)
|
എല്ലാ പഞ്ചായത്തും
|
വിക്‌ടേഴ്‌സ് ചാനലില്‍ റിവ്യൂ വിത്ത് ലെസണ്‍സ് |
വിക്‌ടേഴ്‌സ്ചാനലില്‍ പത്താംതരംമുതല്‍ പ്ലസ്ടുവരെയുള്ള ഓണപരീക്ഷക്ക് തയ്യാറെടുക്കുന്ന വിദ്യാര്‍ത്ഥികള്‍ക്കുവേണ്ടി തയ്യാറാക്കിയ'റിവ്യൂവിത്ത ലെസണ്‍സ്'സംപ്രേഷണം ആരംഭിക്കുന്നു. ഇംഗ്ലീഷ്, ഹിന്ദി, ഇക്കണോമിക്‌സ്, ജ്യോഗ്രഫി, ഫിസിക്‌സ്, മാത്‌സ്, സ്റ്റാറ്റിസ്റ്റിക്‌സ്, ബിസിനസ്സ്റ്റഡീസ്,അക്കൗണ്ടന്‍സി എന്നീ വിഷയങ്ങളാണ് ഇതില്‍ ഉള്‍പ്പെടുത്തിയിരിക്കുന്നത്. ആഗസ്റ്റ്17 (ചിങ്ങംഒന്ന്) മുതല്‍ എല്ലാദിവസവും രാവിലെ 6.00മണിക്കാണ് സംപ്രേഷണം. പുന:സംപ്രേഷണം വൈകുന്നേരം 8.00മണിക്ക്.
|
വിദ്യാതീരം : അപേക്ഷ ക്ഷണിച്ചു |
കേരള മത്സ്യത്തൊഴിലാളി ക്ഷേമനിധി ബോര്‍ഡില്‍ രജിസ്റ്റര്‍ ചെയ്തിട്ടുള്ള മത്സ്യത്തൊഴിലാളികളുടെ മക്കള്‍ക്ക് സൗജന്യമായി മെഡിക്കല്‍ എന്‍ട്രന്‍സ് പരിശീലനം നല്‍കുന്ന വിദ്യാതീരം പദ്ധതിക്ക് അപേക്ഷ ക്ഷണിച്ചു. ഒരു വര്‍ഷത്തെ റസിഡന്‍ഷ്യല്‍ എന്‍ട്രന്‍സ് കോച്ചിംഗിന് ഒരു വിദ്യാര്‍ത്ഥിക്ക് ആവശ്യമായ തുക പൂര്‍ണമായും സര്‍ക്കാര്‍ വഹിക്കും. ഹയര്‍ സെക്കന്‍ഡറി/വൊക്കേഷണല്‍ ഹയര്‍ സെക്കന്‍ഡറി തലത്തില്‍ ഫിസിക്‌സ്, കെമിസ്ട്രി, ബയോളജി വിഷയങ്ങള്‍ക്ക് തൊണ്ണൂറ് ശതമാനം മാര്‍ക്ക് നേടിയ വിദ്യാര്‍ത്ഥികള്‍ക്കും അല്ലെങ്കില്‍ മുമ്പ് കേരള മെഡിക്കല്‍ എന്‍ട്രന്‍സില്‍ നാല്‍പ്പത് ശതമാനം മാര്‍ക്ക് നേടിയ വിദ്യാര്‍ത്ഥികള്‍ക്കും അപേക്ഷിക്കാം. അപേക്ഷാഫോറം ഫിഷറീസ് ജില്ലാ ഓഫീസുകളില്‍ ലഭിക്കും. പൂരിപ്പിച്ച അപേക്ഷ ആഗസ്റ്റ് 20 ന് മുമ്പ് ഫിഷറീസ് ജില്ലാ ആഫീസില്‍ സമര്‍പ്പിക്കണം.
|
പ്ലാസ്റ്റിക് പതാക നിരോധിച്ചു. ഗ്രീന്‍ പ്രോട്ടോക്കോള്‍ പാലിക്കണം |
ഈ വര്‍ഷത്തെ സ്വാതന്ത്ര്യദിനാഘോഷം യോജിച്ച രീതിയില്‍ ആഘോഷിക്കും. ഇതു സംബന്ധിച്ച മാര്‍ഗനിര്‍ദ്ദേശങ്ങള്‍ പൂര്‍ണമായും പാലിക്കുന്നതിന് നിര്‍ദ്ദേശിച്ച് പൊതുഭരണ വകുപ്പ് സര്‍ക്കുലര്‍ പുറപ്പെടുവിച്ചു. സര്‍ക്കാര്‍, അര്‍ദ്ധസര്‍ക്കാര്‍, പൊതുമേഖല, സ്വയംഭരണ സ്ഥാപനങ്ങള്‍, സര്‍വകലാശാലകള്‍, കോളേജുകള്‍, സ്‌കൂളുകള്‍, സ്വാശ്രയ സര്‍ക്കാര്‍ സ്ഥാപനങ്ങള്‍ എന്നിവിടങ്ങളിലെ ഉദ്യോഗസ്ഥരും ജീനവക്കാരും ആഗസ്റ്റ് 15 ലെ ദേശീയ ദിനാഘോഷങ്ങളില്‍ നിര്‍ബന്ധമായും പങ്കെടുക്കേണ്ടതാണ്. വകുപ്പുകള്‍, ഓഫീസുകള്‍, സ്ഥാപനങ്ങള്‍ എന്നിവിടങ്ങിളിലെ മേലധികാരികള്‍ തങ്ങളുടെ കീഴിലുള്ള ജീവനക്കാരുടെ പങ്കാളിത്തം ഉറപ്പുവരുത്തേണ്ടതാണ്. പ്ലാസ്റ്റിക്കിലുള്ള ദേശീയ പതാകയുടെ നിര്‍മ്മാണം, വിതരണം, വില്പന, ഉപയോഗം എന്നിവ നിരോധിച്ചിട്ടുള്ളതാണ്. ആഘോഷ ചടങ്ങുകള്‍ക്ക് ഗ്രീന്‍ പ്രോട്ടോക്കോള്‍ പാലിക്കണം. സ്വാതന്ത്ര്യദിനം ആഘോഷിക്കുമ്പോള്‍ ആഘോഷം സംബന്ധിച്ച നിബന്ധനകള്‍ കുറ്റമറ്റ രീതിയില്‍ പാലിക്കണമെന്നും സര്‍ക്കുലറില്‍ നിര്‍ദ്ദേശിച്ചിട്ടുണ്ട്. |
അയ്യങ്കാളി ടാലന്റ് സെര്‍ച്ച് സ്കോളര്ഷിപ്പ് ഗ്രാന്റിന് അപേക്ഷിക്കാം |
നാല്, ഏഴ് ക്ലാസുകളില്‍ ലഭിച്ച ഗ്രേഡിന്റെ അടിസ്ഥാനത്തില്‍ മിടുക്കരായ പട്ടികജാതി വിദ്യാര്‍ത്ഥികള്‍ക്ക് പത്താം ക്ലാസുവരെ പ്രതിവര്‍ഷം 4500 രൂപ വീതം സ്കോളര്ഷിപ്പ് അനുവദിക്കുന്നതിന് അപേക്ഷ ക്ഷണിച്ചു. അപേക്ഷ ജാതി, വരുമാനം, ലഭിച്ച ഗ്രേഡ് എന്നിവ തെളിയിക്കുന്ന സര്‍ട്ടിഫിക്കറ്റുകള്‍ സഹിതം ആഗസ്റ്റ് 31 നകം ജില്ല, ബ്ലോക്ക്, മുനിസിപ്പാലിറ്റി, കോര്‍പ്പറേഷന്‍ ഓഫീസുകളിലെ പട്ടികജാതി വികസന ഓഫീസര്‍ക്ക് സമര്‍പ്പിക്കണം. വിദ്യാര്‍ത്ഥികളുടെ വാര്‍ഷിക വരുമാന പരിധി ഒരു ലക്ഷം രൂപ.
|
അദ്ധ്യാപക പരീക്ഷ |
പരീക്ഷാഭവന്‍ ആഗസ്റ്റില്‍ നടത്തുന്ന സംസ്കൃതം/അറബിക്/ഉറുദു അദ്ധ്യാപക പരീക്ഷ ആഗസ്റ്റ് 22 മുതല്‍ 30 വരെ വിവിധ കേന്ദ്രങ്ങളില്‍ നടക്കും. പരീക്ഷയുടെ ടൈംടേബിളും മാതൃകാ ചോദ്യപേപ്പറുകളും പരീക്ഷാഭവന്റെ www.keralapareekshabhavan.in വെബ്‌സൈറ്റില്‍ ലഭിക്കും.
|
വേള്‍ഡ് റോബോട്ടിക് ഒളിമ്പ്യാഡ് : വിദ്യാര്‍ത്ഥികള്‍ക്ക് പരിശീലനം ആഗസ്റ്റ് 20നും 21നും |
സംസ്ഥാന ശാസ്ത്ര സാങ്കേതിക മ്യൂസിയവും എന്‍.സി.എസ്.എം-ഉം ഇന്ത്യ സ്റ്റെം ഫൗണ്ടേഷനുമായി ചേര്‍ന്ന് വേള്‍ഡ് റോബോട്ടിക് ഒളിമ്പ്യാഡ് - 2016 ന്റെ ഭാഗമായി റീജിയണല്‍ റോബോട്ടിക് ഒളിമ്പ്യാഡ് തിരുവനന്തപുരത്ത് നടത്തും. സെപ്തംബര്‍ 24, 25 തീയതികളിലായി ശാസ്ത്ര സാങ്കേതിക മ്യൂസിയത്തില്‍ (പ്ലാനറ്റേറിയം) നടക്കുന്ന മത്സരത്തില്‍ പങ്കെടുക്കാന്‍ താത്പര്യമുള്ളവര്‍ ഓണ്‍ലൈനായി www.wroindia.org എന്ന വെബ്‌സൈറ്റില്‍ സെപ്തംബര്‍ 16 ന് മുമ്പ് അപേക്ഷിക്കണം. പങ്കെടുക്കാന്‍ താത്പര്യമുള്ള സ്കൂള്/കോളേജ് വിദ്യാര്‍ത്ഥികള്‍ക്ക് പരിശീലന ക്യാമ്പ് ആഗസ്റ്റ് 20നും 21നും ശാസ്ത്ര സാങ്കേതിക മ്യൂസിയത്തിലെ ഇന്നോവേഷന്‍ ഹബ്ബില്‍ നടത്തും. താത്പര്യമുള്ളവര്‍ അന്ന് രാവിലെ ഒന്‍പത് മണിക്ക് സംസ്ഥാന ശാസ്ത്ര സാങ്കേതിക മ്യൂസിയത്തില്‍ എത്തണം. എലമെന്ററി, ജൂനിയര്‍, സീനിയര്‍, അഡ്വാന്‍സ്ഡ്, റോബോട്ടിക് ചലഞ്ച് എന്നിങ്ങനെ വ്യത്യസ്തമായ ഇനങ്ങളില്‍ ഒന്‍പത് മുതല്‍ 25 വയസുവരെ ഉള്ളവര്‍ക്ക് പങ്കെടുക്കാം. വിശദ വിവരങ്ങള്‍ക്ക് ശാസ്ത്ര സാങ്കേതിക മ്യൂസിയം, വികാസ് ഭവന്‍ പി.ഒ, തിരുവനന്തപുരം ഓഫീസുമായി ബന്ധപ്പെടണം. ഫോണ്‍ : 9497676024, 0471-2306024, 2306025.
|
വിക്‌ടേഴ്‌സ് ചാനലില്‍ തത്സമയ ഫോണ്‍-ഇന്‍ പ്രഭാത പരിപാടി |
വിക്‌ടേഴ്‌സ് ചാനലില്‍ തത്സമയ ഫോണ്‍-ഇന്‍-പരിപാടി ബാലസൂര്യന്‍ ചിങ്ങം ഒന്നു മുതല്‍ സംപ്രേഷണം ആരംഭിക്കുന്നു. ആഗസ്റ്റ് 17 മുതല്‍ രാവിലെ ഏഴു മണിക്കാണ് തത്സമയസംപ്രേഷണം. വൈകുന്നേരം ആറ് മുതല്‍ ഏഴുവരെ പുനഃസംപ്രേഷണം ഉണ്ടായിരിക്കും. കലാരംഗത്തെ പ്രതിഭകളായ കുട്ടികളെ ഉള്‍പ്പെടുത്തി അവരുടെ കഴിവുകളെ അവതരിപ്പിക്കുന്ന തരത്തിലാണ് ഒരു മണിക്കൂര്‍ ദൈര്‍ഘ്യമുള്ള പരിപാടി തയ്യാറാക്കിയിരിക്കുന്നത്. മുന്‍ സംസ്ഥാന സ്കൂള് കലോത്സവ ജേതാക്കളും പരിപാടിയില്‍ പങ്കെടുക്കുന്നുണ്ട്.
|
