വിദ്യാഭ്യാസ ധനസഹായം

കേരള കര്‍ഷക തൊഴിലാളി ക്ഷേമനിധി ബോര്‍ഡില്‍ അംഗങ്ങളായിട്ടുളള കര്‍ഷക തൊഴിലാളികളുടെ മക്കള്‍ക്ക് 2015-2016 അദ്ധ്യയന വര്‍ഷത്തെ വിദ്യാഭ്യാസ ധനസഹായത്തിന് അപേക്ഷിക്കാം. സര്‍ക്കാര്‍/എയ്ഡഡ് സ്‌കൂളുകളില്‍ വിദ്യാഭ്യാസം നടത്തിയവരും 2016 വര്‍ഷത്തെ S.S.L.C/T.H.S.S..L.C പരീക്ഷയില്‍ D+ ല്‍ കുറയാത്ത ഗ്രേഡ് നേടിയവര്‍ക്ക് അപേക്ഷിക്കാം. കുട്ടികളുടെ മാതാപിതാക്കളായ ക്ഷേമനിധി അംഗങ്ങള്‍ നിശ്ചിത ഫോറത്തില്‍ ബോര്‍ഡിന്റെ ജില്ലാ വെല്‍ഫയര്‍ ഫണ്ട് ഓഫീസര്‍മാര്‍ക്ക് ജൂണ്‍ 30 ന് ഉച്ചയ്ക്ക് മൂന്ന് മണിക്ക് മുമ്പ് അപേക്ഷ സമര്‍പ്പിക്കണം. അപേക്ഷയോടൊപ്പം മാര്‍ക്ക് ലിസ്റ്റ്, പാസ് ബുക്ക്, ആധാര്‍ കാര്‍ഡ്, എന്നിവയുടെ സാക്ഷ്യപ്പെടുത്തിയ പകര്‍പ്പ് സമര്‍പ്പിക്കണം. കൂടുതല്‍ വിവരങ്ങള്‍ ബോര്‍ഡിന്റെ അതത് ജില്ലാ ഓഫീസുകളില്‍ ലഭിക്കും.