ശുചിത്വ വിദ്യാലയ പ്രഖ്യാപനം ജൂലൈ 31 ന്
കണ്ണൂര്‍ ജില്ലയിലെ മുഴുവന്‍ സ്‌കൂളുകളും ജൂലൈ 31 ന് ശുചിത്വ വിദ്യാലയ പദവിയിലേക്ക് കടക്കും.കേരള പിറവിദിനമായ നവംബര്‍ 1 ന് സംസ്ഥാനം ഒ ഡി എഫ് (ഓപ്പണ്‍ ഡിഫക്കേഷന്‍ ഫ്രീ) സംസ്ഥാനമായി മാറുകയാണ്. ഇതിന്റെ ഭാഗമായി സപ്തംബര്‍ ഒന്നിനകം ദക്ഷിണേന്ത്യയിലെ തന്നെ ആദ്യത്തെ ഒ ഡി എഫ് ജില്ലയായി കണ്ണൂരിനെ പ്രഖ്യാപിക്കുന്നതിനായി ജില്ലാ ഭരണകൂടം തീവ്ര പ്രവര്‍ത്തനം നടത്തുകയാണ്. ജില്ലയിലെ മുഴുവന്‍ വിദ്യാഭ്യാസ സ്ഥാപനങ്ങളിലും ശുചിത്വ സംവിധാനം ഉറപ്പുവരുത്തുന്നതിന് ജില്ലയിലെ മുഴുവന്‍ എ ഇ ഒ മാരുടെയും ബി പി ഒ മാരുടെയും സംയുക്ത യോഗത്തില്‍ തീരുമാനമായി. വിദ്യാര്‍ത്ഥികളില്‍ ശുചിത്വശീലം വളര്‍ത്തുന്നതിന് ആവശ്യമായ കാര്യങ്ങള്‍ ചെയ്യാന്‍ ജില്ലാ കലക്ടര്‍ പി ബാലകിരണ്‍ യോഗത്തില്‍ നിര്‍ദ്ദേശിച്ചു. ജില്ലാ ശുചിത്വമിഷന്‍ കോ ഓര്‍ഡിനേറ്റര്‍ വി കെ ദിലീപ് അധ്യക്ഷനായിരുന്നു. അസി കോ ഓര്‍ഡിനേറ്റര്‍ സുരേഷ് കസ്തൂരി ക്ലാസ്സെടുത്തു.
No comments:
Post a Comment