പ്ലസ് ടു ജയിച്ച ഒ.ബി.സി. വിദ്യാര്ത്ഥികള്ക്ക് സ്കോളര്ഷിപ്പ് |
ഇക്കഴിഞ്ഞ പ്ലസ് ടു പരീക്ഷയ്ക്ക് എല്ലാ വിഷയങ്ങളിലും എ പ്ലസ് ലഭിച്ച മറ്റു പിന്നാക്ക വിഭാഗത്തില്പ്പെട്ട വിദ്യാര്ത്ഥികള്ക്ക് ഒറ്റത്തവണയായി 5,000 രൂപ സ്കോളര്ഷിപ്പ് നല്കും. അപേക്ഷകര് 2014-15 വിദ്യാഭ്യാസ വര്ഷത്തില് സ്റ്റേറ്റ് സിലബസില് പ്ലസ് ടു പഠനം പൂര്ത്തിയാക്കിയവരും, എല്ലാ വിഷയത്തിലും എ പ്ലസ് ഗ്രേഡ് ലഭിച്ചവരുമായിരിക്കണം. കുടുംബ വാര്ഷിക വരുമാനം 1,03,000 രൂപയില് താഴെയായിരിക്കണം. അപേക്ഷ ഫോറം www.ksbcdc.com -ല് ലഭിക്കും. അപേക്ഷ പ്ലസ് ടു മാര്ക്ക് ലിസ്റ്റിന്റെ പകര്പ്പ്, ബാങ്ക് പാസ് ബുക്കിന്റെ ആദ്യ പേജിന്റെ പകര്പ്പ് (അക്കൗണ്ട് നമ്പര്, ഐ.എഫ്.എസ്.സി കോഡ് എന്നിവ രേഖപ്പെടുത്തിയ പേജ്) ജാതി തെളിയിക്കുന്നതിന് എസ്.എസ്.എല്.സി സര്ട്ടിഫിക്കറ്റിന്റെ സാക്ഷ്യപ്പെടുത്തിയ പകര്പ്പ്, അല്ലെങ്കില് ബന്ധപ്പെട്ട റവന്യൂ അധികാരികളില് നിന്നുള്ള ജാതി സര്ട്ടിഫിക്കറ്റ്, കഴിഞ്ഞ ആറ് മാസത്തിനകം ലഭിച്ച കുടുംബ വാര്ഷിക വരുമാന സര്ട്ടിഫിക്കറ്റിന്റെ സ്വയം സാക്ഷ്യപ്പെടുത്തിയ പകര്പ്പ്, അല്ലെങ്കില് ബന്ധപ്പെട്ട റവന്യൂ അധികാരികളില് നിന്നുള്ള ജാതി സര്ട്ടിഫിക്കറ്റ്, കഴിഞ്ഞ ആറ് മാസത്തിനകം ലഭിച്ച കുടുംബ വാര്ഷിക വരുമാന സര്ട്ടിഫിക്കറ്റിന്റെ സ്വയം സാക്ഷ്യപ്പെടുത്തിയ പകര്പ്പ് എന്നിവ സഹിതം ജൂലൈ 31-നകം മാനേജിംഗ് ഡയറക്ടര്, കേരള സംസ്ഥാന പിന്നാക്ക വിഭാഗ വികസന കോര്പ്പറേഷന്, സെന്റിനല് മൂന്നാംനില, പാറ്റൂര്, വഞ്ചിയൂര് പി.ഒ., തിരുവനന്തപുരം - 695 035 വിലാസത്തില് സമര്പ്പിക്കണം. അപേക്ഷ അയയ്ക്കുന്ന കവറിനു മുകളില് സ്കോളര്ഷിപ്പ് പദ്ധതി അപേക്ഷ എന്ന് രേഖപ്പെടുത്തിയിരിക്കണം.
|
Thursday, June 11, 2015
Subscribe to:
Post Comments (Atom)
No comments:
Post a Comment