ശിശുദിന സ്റ്റാമ്പ് 2015 - ചിത്രരചനകള് ക്ഷണിച്ചു
ഈ വര്ഷത്തെ ശിശുദിന സ്റ്റാമ്പിന് അനുയോജ്യമായ ചിത്രങ്ങള് തെരഞ്ഞെടുക്കാന് 9 വയസ് മുതല് 17 വയസു വരെ പ്രായമുള്ള കുട്ടികളില് നിന്നും സംസ്ഥാന ശിശുക്ഷേമ സമിതി ചിത്രരചനകള് ക്ഷണിച്ചു. ചിത്രങ്ങള്ക്ക് ജലഛായം, പോസ്റ്റര് കളര്, ക്രയോണ്സ്, ഓയില് പെയിന്റ് ഇവയില് ഏതെങ്കിലും ഒന്ന് ഉപയോഗിക്കാം. പേപ്പറിന്റെ വലിപ്പം 12 x 9 സെ.മി. 'പ്രിയപ്പെട്ട കലാം സാര്' എന്നതാണ് വിഷയം. സ്റ്റാമ്പിന്റെ വലിപ്പത്തിലേക്ക് ചിത്രം ചെറുതാക്കുന്നതുമൂലം വിശദാംശങ്ങള് അസ്പഷ്ടമാകാന് ഇടയുള്ളതിനാല് ചിത്രത്തിന് തെരഞ്ഞെടുക്കേണ്ട നിറം പശ്ചാത്തല രേഖകള് ഇവ കൂടുതല് സങ്കീര്ണമാകാതിരിക്കാന് ശ്രദ്ധിക്കണം. തെരഞ്ഞെടുത്ത ചിത്രം വരച്ച വിദ്യാര്ത്ഥിക്ക് സമ്മാനവും സമ്മാനാര്ഹമായ വിദ്യാര്ത്ഥി പഠിക്കുന്ന സ്കൂളിനു റോളിങ് ട്രോഫിയും നല്കും. വിദ്യാര്ത്ഥിയുടെ പേര്, വയസ്, മേല്വിലാസം, പഠിക്കുന്ന ക്ലാസ് എന്നിവ ചിത്രത്തിന്റെ മറുപുറത്ത് എഴുതി സ്കൂളിലെ ഹെഡ്മാസ്റ്റര്/ ഹെഡ്മിസ്ട്രസ് സാക്ഷ്യപ്പെടുത്തണം. ചിത്രരചനകള് അഡ്മിനിസ്ട്രേറ്റര് & ജില്ലാ കളക്ടര്, തിരുവനന്തപുരം, കേരള സംസ്ഥാന ശിശുക്ഷേമസമിതി, തൈക്കാട്, തിരുവനന്തപുരം 14 എന്ന വിലാസത്തില് നേരിട്ടോ തപാല് വഴിയോ സെപ്റ്റംബര് 30 നകം എത്തിക്കണം. കവറിനുപുറത്ത് പ്രിയപ്പെട്ട കലാം സാര് എന്ന് എഴുതിയിരിക്കണം.
ഇതിലേക്കായി 9 വയസ് മുതല് 17 വയസു വരെ പ്രായമുള്ള കുട്ടികള്ക്കായി എല്ലാ സ്കൂളുകളിലും സെപ്റ്റംബര് മാസം മുപ്പതാം തീയ്യതിക്ക് മുമ്പുള്ള ഒരു അവധി ദിവസം ഉച്ചവരെ പ്രവര്ത്തിദിവസമാക്കിക്കൊണ്ട് 'പ്രിയപ്പെട്ട കലാം സാര്' എന്ന വിഷയത്തില് ചിത്രരചനാ മത്സരം സംഘടിപ്പിക്കാന് സര്ക്കാര് നിര്ദേശിച്ചു.
ചിത്രരചനാ മത്സരം എല്ലാ സ്കൂളുകളിലും സമുചിതമായി ആഘോഷിക്കാന് പ്രധാനാദ്ധ്യപകര്ക്ക് നിര്ദേശം നല്കുന്നു.
|
Tuesday, September 15, 2015
Subscribe to:
Post Comments (Atom)
No comments:
Post a Comment