കര്‍ഷക ദിനാചരണവും ദക്ഷിണേന്ത്യന്‍ കാര്‍ഷിക മേളയും
സ്കൂള്‍ തലത്തിലുള്ള പ്രവര്‍ത്തനങ്ങള്‍
ഈ വര്‍ഷത്തെ കര്‍ഷക ദിനാചരണവും ദക്ഷിണേന്ത്യന്‍ കാര്‍ഷിക മേളയും 16/8/2015 മുതല്‍ 26/8/2015 വരെ കണ്ണൂര്‍ പോലീസ് മൈദാനിയില്‍ വെച്ച് നടക്കും. ഇതിന്‍റെ ഭാഗമായി ചുവടെ ചേര്‍ത്ത പ്രവര്‍ത്തനങ്ങള്‍ ഏറ്റെടുത്തു നടത്താന്‍ കൃഷി / വിദ്യാഭ്യസ വകുപ്പ് ഉദ്യോഗസ്ഥരുടെ സംയുക്ത യോഗത്തില്‍ തീരുമാനിച്ചു
- സ്കൂള്‍ പച്ചക്കറി കൃഷിക്ക് തുടക്കമിട്ടുകൊണ്ട് കൃഷിയെക്കുറിച്ചും കാര്‍ഷികവൃത്തിയുടെ പ്രാധാന്യത്തെക്കുറിച്ചും ഉള്ള ബോധവല്‍ക്കരണം എല്ലാ സ്കൂളുകളിലും നടത്തണം. ഈ അവസരത്തില്‍ സംസ്ഥാന കാര്‍ഷിക ദിനം കണ്ണൂരില്‍വെച്ച് നടക്കുന്നതിന്‍റെ പ്രാധാന്യം വിശദമാക്കണം.
- സ്കൂള്‍ തലത്തില്‍ വിളംബര ജാഥകള്‍ 7/8/2015 ന് വൈകുന്നേരം 3 മണിക്ക് എല്ലാ സ്കൂളിലും നടത്തി കാര്‍ഷിക ദിനത്തെപ്പറ്റിയുള്ള അവബോധം കുട്ടികളിലും നാട്ടുകരിലും ഉണ്ടാക്കണം. കാര്‍ഷിക സന്ദേശം ഉള്‍ക്കൊള്ളുന്ന പ്ലക്കാര്‍ഡുകള്‍ കുട്ടികള്‍ തന്നെ തയ്യാറാക്കി ഉയര്‍ത്തിപ്പിടിച്ചുകൊണ്ട് വേണം വിളംബരജാഥയില്‍ പങ്കെടുക്കാന്‍. ജൈവ കൃഷിയുടെ മേന്മ വിളംബര ജാഥയില്‍ HIGHLIGHT ചെയ്യണം.
- വിദ്യാലയങ്ങളില്‍ 10 സെന്‍റ് പച്ചക്കറി കൃഷിത്തോട്ട നിര്‍മാണം. സ്ഥലം സ്വന്തമായില്ലെങ്കില്‍ പാട്ടത്തിനു വാങ്ങി ഉപയോഗിക്കാം. അത്തരത്തില്‍ പച്ചക്കറി കൃഷിത്തോട്ട നിര്‍മാണത്തിനു താത്പര്യം ഉള്ള വിദ്യാലയങ്ങള്‍ വിശദാംശം അറിയിക്കണം. 7/8/2015 ന് വിത്ത് വിതരണ ഉദ്ഘാടനം സബ് ജില്ലാതലത്തില്‍ ഇത്തരത്തിലുള്ള ഒരു സ്കൂളില്‍ വെച്ച് നടക്കും. ഈ സ്കൂളിന് 5000/- രൂപ മൂല്യമുള്ള സഹായം കൃഷിവകുപ്പ് നല്‍കും.
- പ്രൈമറി / അപ്പര്‍ പ്രൈമറി / ഹൈ / ഹയര്‍സെക്കന്‍ഡറി സ്കൂളുകളിലും കോളേജുകളിലും കാര്‍ഷിക ക്വിസ് - 20/7/2015 ന് പ്രാഥമിക റൌണ്ട് സ്കൂള്‍ തലത്തില്‍ നടത്തണം. LP/UP/HIGH/ HIGHER SECONDARY തലങ്ങളില്‍ ഓരോ തലത്തിലും പ്രത്യേകമായി മത്സരം സംഘടിപ്പിക്കണം.
- സബ് ജില്ലാതലത്തിലുള്ള ക്വിസ് മത്സരം - 24/7/2015 ന് (രണ്ടാം റൌണ്ട്). ഇതില്‍ സ്കൂള്‍ തലത്തില്‍ വിജയിക്കുന്ന 2 വീതം കുട്ടികളെ പങ്കെടുപ്പിക്കം.
- 18/8/2015 ന് രാവിലെ 10 മണിക്ക് ജില്ലാതല മത്സരം മേളയില്‍ വെച്ച് നടക്കും. സബ് ജില്ലാതലത്തില്‍ 1, 2 സ്ഥാനം നേടുന്ന ടീമുകള്‍ക്ക് ജില്ലാതലത്തില്‍ പങ്കെടുക്കാം. ജില്ലാതലത്തില്‍ 1, 2, 3 സ്ഥാനം നേടുന്ന ഓരോ വിഭാഗത്തിനും യഥാക്രമം 5000/-, 3000/-, 2000/- രൂപ വീതം കാഷ് അവാര്‍ഡും സര്‍ട്ടിഫിക്കറ്റുകളും മേമെന്റ്റൊയും ലഭിക്കും. ജില്ലാതലത്തില്‍ പങ്കെടുക്കുന്ന മുഴുവന്‍ കുട്ടികള്‍ക്കും സര്‍ട്ടിഫിക്കറ്റും മേമെന്റ്റൊയും ലഭിക്കും.
- സ്കൂളുകളിലും കോളേജുകളിലും 29/7/2015 ന് രാവിലെ 9.30 ന് അസംബ്ലിയില്‍ മേളയുടെ സന്ദേശം വായിക്കണം.
No comments:
Post a Comment