വൃക്ക രോഗികള്ക്ക് കാരുണ്യത്തിന്റെ ഒരു കൈത്താങ്ങ്
സ്കൂള് വിദ്യാര്ഥികള് ഓഗസ്റ്റ് 5 ന് സംഭാവന നല്കും
വൃക്ക രോഗികള്ക്ക് സാന്ത്വനമേകാന് ജില്ലയിലെ വിദ്യാര്ഥികള് കൈകോര്ക്കുന്നു. ജില്ലാ പഞ്ചായത്തിന്റെ നേത്രുത്വത്തില് രൂപീകരിച്ച സ്നേഹജ്യോതി കിഡ്നി പെഷ്യന്റ്സ് വെല്ഫെര് സൊസൈറ്റിയിലേക്ക് സ്കൂള് വിദ്യാര്ഥികള് ഓഗസ്റ്റ് 5 ന് സംഭാവന നല്കും. സര്ക്കാര്, എയിഡഡ്, അണ് എയിഡഡ് സ്കൂളുകളിലെയും കോളേജുകളിലെയും കുട്ടികള് വഴി രക്ഷിതാക്കള്ക്ക് നിധിയിലേക്ക് സംഭാവന നല്കാം. ജില്ലയില് വിവിധ കേന്ദ്രങ്ങളില് ഡയാലിസിസിനു വിധേയരാകുന്ന നിര്ധനരായ രോഗികള്ക്ക് പ്രതിമാസം സഹായ ധനം എത്തിക്കുകയാണ് നിധി സമാഹരിക്കുന്നതിലൂടെ ഉദ്ദേശിക്കുന്നത്. വിദ്യാര്ഥികളില്നിന്നുള്ള സംഭാവന അതാത് പ്രധാനാദ്ധ്യാപകര് സമാഹരിച്ച് AEO ഒഫീസിന് ഓഗസ്റ്റ് 10 നകം കൈമാറണം. ഇതിനായി പ്രത്യേകം തയ്യാറാക്കിയ നോട്ടീസുകള് കുട്ടികള് വഴി എല്ലാ രക്ഷിതാക്കള്ക്കും നല്കുന്നതിനായി എല്ലാ പ്രധാനാദ്ധ്യാപകരും ഇന്ന് (31/7/2015) തന്നെ ഓഫീസില്നിന്നും കൈപ്പറ്റണം.
No comments:
Post a Comment