മിലിട്ടറി കോളേജില്‍ പ്രവവേശനം

ഡെറാഡൂണിലെ ഇന്ത്യന്‍ മിലിട്ടറി കോളേജിലേുള്ള പ്രവേശന പരീക്ഷ തിരുവനന്തപുരത്ത് പൂജപ്പുരയിലുള്ള പരീക്ഷാ കമ്മീഷണറുടെ ആഫീസില്‍ ഡിസംബര്‍ ഒന്ന്, രണ്ട് തീയതികളില്‍ നടത്തും. ആണ്‍കുട്ടികള്‍ക്കുമാത്രമണ് പ്രവേശനം. അപേക്ഷകര്‍ 2016 ജൂലൈ ഒന്നിന് ഏഴാം ക്ലാസ് പഠിക്കുകയോ ഏഴാം ക്ലാസ് ജയിച്ചിരിക്കുകയോ വേണം. 2003 ജൂലൈ രണ്ടിന് മുമ്പോ 2005 ജനുവരി ഒന്നിന് ശേഷമോ ജനിച്ചവര്‍ക്ക് അപേക്ഷിക്കാന്‍ അര്‍ഹത ഇല്ല. പ്രവേശന പരീക്ഷയ്ക്കുള്ള അപേക്ഷഫോറവും വിശദാംശവും മുന്‍ വര്‍ഷങ്ങളിലെ ചോദ്യപേപ്പറുകളും ലഭിക്കാന്‍ ജനറല്‍ വിഭാഗത്തിലുള്ളവര്‍ 430 രൂപയ്ക്ക് രജിസ്‌ട്രേഡ് തപാലിലും 480 രൂപയ്ക്ക് സ്പീഡ് പോസ്റ്റിലും അപേക്ഷ നല്‍കണം. എസ്.സി/എസ്.ടി വിഭാഗത്തില്‍ പരീക്ഷ എഴുതുന്നവര്‍ക്ക് ഇത് യഥാക്രമം 385, 435 രൂപയുമാണ്. ദി കമാന്‍ഡന്റ്, രാഷ്ട്രീയ ഇന്ത്യന്‍ മിലിട്ടറി കോളേജ്, ഡെറാഡൂണ്‍, ഡ്രായര്‍ ബ്രാഞ്ച്, സ്റ്റേറ്റ് ബാങ്ക് ഓഫ് ഇന്ത്യ, ടെല്‍ ഭവന്‍ ഡെറാഡൂണ്‍ (ബാങ്ക് കോഡ് 01576) വിലാസത്തില്‍ മാറാവുന്ന ഡിമാന്‍ഡ് ഡ്രാഫ്റ്റ് അല്ലെങ്കില്‍ www.rimc.gov.in എന്ന വെബ്‌സൈറ്റില്‍ നിന്നും എടുത്ത ചെലാന്‍ സഹിതം ദി കമാന്‍ഡന്റ്, രാഷ്ട്രീയ ഇന്ത്യന്‍ മിലിട്ടറി കോളേജ്, ഡെറാഡൂണ്‍, ഉത്തരാഞ്ചല്‍ - 248 003 വിലാസത്തില്‍ അപേക്ഷിക്കണം. കേരളത്തിലെയും ലക്ഷദ്വീപിലെയും അപേക്ഷകര്‍ പൂരിപ്പിച്ച അപേക്ഷ സെപ്തംബര്‍ 30 ന് മുമ്പായി സെക്രട്ടറി, പരീക്ഷാഭവന്‍, പൂജപ്പുര, തിരുവനന്തപുരം - 12 വിലാസത്തില്‍ രേഖകള്‍ സഹിതം അയയ്ക്കണം. അപേക്ഷ സംബന്ധിച്ച വിവരം www.keralapareekshabhavan.in ല്‍ പരിശോധിക്കാം. വിശദാംശത്തിന് www.rimc.gov.in സന്ദര്‍ശിക്കുക.